Чингис хаан баялгийн сан нэгдэл” ХХК нөхөн сэргээлт, газрын доройтол, цөлжилтийг бууруулах ажлыг эрчимжүүлж, “Тэрбум мод” үндэсний хөдөлгөөнийг хариуцлагатай уул уурхай, тогтвортой хөгжлийн бодлоготой уялдуулан хэрэгжүүлж байна.
Нэгдлийн хэмжээнд нийт 291.5 сая мод тарьж, ургуулахаар зорьж байна. Бид мод тарихыг нэг өдрийн арга хэмжээ бус тасралтгүй арчилгаа, хамгаалалт, усны хэмнэлттэй технологи, чанартай тарьц суулгац, дижитал мониторинг, нэгдсэн стандарт, хэмжигдэхүйц үр дүнтэй урт хугацааны тогтолцоо болгон хөгжүүлэн ажиллаж байна.
• Мод тарилтаас нөхөн сэргээлт рүү
• Нөхөн сэргээлтээс биологийн олон янз байдал руу
• Биологийн олон янз байдлаас уур амьсгалын өөрчлөлтөд тэсвэртэй экосистем рүү шилжих нь бидний урт хугацааны зорилго юм.