<style type="text/css"> .wpb_animate_when_almost_visible { opacity: 1; }</style>
НҮҮР УЛС ТӨР Тавантолгойн дэд бүтэцтэй холбоотой ҮАБЗ-ийн зөвлөмжийг нууцаас гаргах санал хүргүүлжээ
featured

Тавантолгойн дэд бүтэцтэй холбоотой ҮАБЗ-ийн зөвлөмжийг нууцаас гаргах санал хүргүүлжээ

 Монгол Улсын сайд, ЗГХЭГ-ын дарга Л.Оюун-Эрдэнэ Үндэсний аюулгүй байдлын зөвлөлийн 2018 оны 33/21 дугаартай зөвлөмжийг нууцаас гаргах саналыг тус зөвлөлийн Нарийн бичгийн даргад хүргүүлж буйгаа өнөөдөр мэдээлэв.

Ерөнхийлөгчийн Тамгын газрын дарга асан З.Энхболд НТВ телевизэд өгсөн ярилцлагадаа “Эрдэнэс Таван толгой” компанийн 30 хувьд IPO хийхтэй холбоотой УИХ болон Засгийн газрын 2018 оны тогтоолыг хууль бус хэмээн үзэж буйгаа илэрхийлсэн юм.

Энэ талаар ЗГХЭГ-ын дарга Л.Оюун-Эрдэнэ, “Тавантолгойн орд газрын төмөр замын дэд бүтцийг хөгжүүлэх санхүүжилтийг босгох олон асуудал яригдсаны нэг нь IPO хийх. ҮАБЗ-ийн 2018 оны дээрх зөвлөмжийг үндэслэн УИХ-аас тогтоол гаргаж, Засгийн газарт ирүүлсэн одоогоор хэрэгжүүлээгүй. Энэ ажил судалгааны түвшинд явж байгаа. IPO гаргах нь зөв. Гэхдээ улс төрийн нөхцөл байдлаас үүдэн энэ ажил үргэлжлэхгүй ч байж мэднэ. ҮАБЗ-ийн дээрх зөвлөмж ил болсны дараа Засгийн газрын хуралдаанаар хэлэлцэж, шаардлагатай гэж үзвэл Ерөнхий сайд зөвлөмжийг хэрэгжүүлэхээс татгалзах асуудлыг хөндөнө. Үүний улмаас Тавантолгойн дэд бүтцийн ажил зогсож болзошгүй. Зөвлөмж ил болсны дараа бүх зүйл тодорхой болох юм. Өнөөгийн Засгийн газар хууль зөрчсөн нэг ч алхам хийхгүй гэдгийг хариуцлагатайгаар хэлмээр байна” хэмээв.

 Мөн тэрбээр, Эрдэнэт үйлдвэрт тогтоосон онцгой байдлын хугацаа хоёр өдрийн дараа дуусна гэдгийг онцлов. Тус үйлдвэрт хийсэн Сангийн яам болон хууль, хяналтын байгууллагын шалтгалт, илэрсэн зөрчлийн талаар онцгой байдлын хугацаа дараа дэлгэрэнгүй мэдээлэл өгнө гэсэн юм.