<style type="text/css"> .wpb_animate_when_almost_visible { opacity: 1; }</style>
НҮҮР ИНТЕРТАЙМЭНТ “Зуузуугийн найзууд" хүүхэд, багачуудтайгаа уулзахад бэлэн болоод байна
featured

“Зуузуугийн найзууд" хүүхэд, багачуудтайгаа уулзахад бэлэн болоод байна

 Гадны иргэншилтэй хүүхдийн контентыг бут цохих үндэсний нэгэн хүүхэлдэйн баатрууд амиллаа. Тодруулбал, “Том амжилт” компанийн Амжилт анимейшн студи “Зуузуугийн найзууд” нэртэй 3D анимейшн, олон ангит хүүхэлдэйн киног хүүхэд, багачууддаа хүргэхэд бэлэн болоод байгаа аж.

Манай улсын хувьд Солонгос, Япон, Америк зэрэг улсын хүүхэлдэйн баатруудыг хүүхдэдээ багаас нь тоглуулж, үзүүлж таниулдаг нь үндэсний гэх контент дутмаг байгаагийн нэгэн шинж. Тэгвэл 2017 онд “Мора” бүрэн хэмжээний хүүхэлдэйн киног бүтээж, монголын анхны гэх томоохон тодотголыг зүүж, түүхэнд бичигдсэн бүтээлийн эзэд өдгөө дараагийн шинэ баатруудаа амилуулж, эл салбартаа дахин нэгэн шинэ хуудсыг нээж байна.

“Зуузуугийн найзууд” хүүхэлдэй нь ишиг, хурга, тугал, ботго, унага гэсэн таван хошуу малын төлийг бага насны хүүхдийн төлөөлөл болгон дүрсэлсэн бөгөөд нийтдээ 100 ангиас бүрдэх гэнэ. Мөн хүүхэлдэйн киноны дүр бүхэн өөр өөрийн гэсэн онцлогтой бөгөөд анги тус бүрт өөр өөр адал явдал, хүүхэд бүрт сургамж, ухаан хайрласан үйл явдлаар дүүрэн өрнүүн байх нь ээ.

Ингээд Зуузуу болон түүний найзуудын дууны клипийг та бүхэнд сонордуулж байна.