<style type="text/css"> .wpb_animate_when_almost_visible { opacity: 1; }</style>
НҮҮР ЭРХ ЗҮЙ Гол, мөрөн нуурын ойролцоо амарч зугаалахдаа сонор сэрэмжтэй байхыг анхааруулав
featured

Гол, мөрөн нуурын ойролцоо амарч зугаалахдаа сонор сэрэмжтэй байхыг анхааруулав

 Нийслэлийн Онцгой байдлын газар, Цагдаагийн байгууллага хамтран Туул голын Хар усан тохойгоос Сонсголонгийн гүүр хүртэл голын эрэг дагуу хэв журмын болон завьтай, морьтой эргүүл гарган ажиллуулж байна. Баяр наадмын өдрүүдээр иргэд голын эрэг дээр буудаллан амарч, зугаалах нь нэмэгддэг.

Харамсалтай нь, наадмын эхний өдөр буюу 11-нд хоёр, өнөөдөр нэг хүн Туул голд эндээд байна. Голын эргээр буудалласан иргэд Цагдаа болон Онцгой байдлын газраас гаргасан морьт эргүүл, завьт эргүүлийн шаардлагыг биелүүлэхгүй байна гэж мэргэжлийн байгууллагынхан мэдээлж байна.

 Баяр наадмын үеэр голын эрэг даган амарч зугаалахдаа гол усанд орохдоо болгоомжтой байх, архи согтууруулах ундаа хэрэглэхгүй байхыг тус газруудаас сэрэмжлүүлж байна.

  Цаг уурын байгууллагаас ирүүлсэн мэдээллээр баяр наадмын өдрүүдэд баруун болон төвийн аймгуудын нутгаар усархаг аадар бороо орж, салхи борооны өмнө секундэд 16-18 метр хүрч ширүүсэх бол говийн болон зүүн аймгуудын нутгаар өдөртөө 32-37 хэм хүртэл халах төлөвтэй байна.

Харин Сэлэнгэ мөрөн Хялганат сум орчимд усны түвшин 80 см нэмэгдэж, олон жилийн дундаж түвшинг 35 см, Ховд гол, Увс нуур, Хархираа зэрэг голууд 5-20 см нэмэгдэж, үерийн түвшинг даван үерлэж байна. Иймд:

  • Голын эрэг дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байх,
  • Хөдөө орон нутгийг зорих иргэд бэлтгэл бэлэн байдлаа сайн хангаж, замд гарах,
  • Гол, мөрөн нуурын ойролцоо амарч зугаалахдаа өндөр сонор сэрэмжтэй байх,
  • Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнээ бүртгэдэг байх,
  • Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, ялангуяа хүүхдүүд янз бүрийн хийлдэг завь, хийлдэг гудастай усанд орж эргээсээ холддог, энэ нь усанд осолдох шалтгаан болж байна.
  • Борооны үед гол мөрний усны түвшин нэмэгдэх учраас баталгаатай гүүр, гарам, гарцтай газраар автомашинтай зорчиж үер усны аюул болон усны ослоос урьдчилан сэргийлэхийг анхааруулж байна.

 

Таг: