<style type="text/css"> .wpb_animate_when_almost_visible { opacity: 1; }</style>
НҮҮР УЛС ТӨР УИХ-ын гишүүн Л.Болд, Ж.Батзандан нар Дундговь аймагт ажиллав
featured

УИХ-ын гишүүн Л.Болд, Ж.Батзандан нар Дундговь аймагт ажиллав

УИХ-ын гишүүн Л.Болд, Ж.Батзандан нар  Дундговь аймагт ажиллаж, 300 гаруй иргэдтэй уулзалт хийлээ. УИХ-ын гишүүдтэй хамт эдийн засагч Х.Батсуурь, Соёлын гавьяат зүтгэлтэн, яруу найрагч Ай.Төмөр-Очир, МУГЖ, СУИС-ийн хүндэт профессор Д.Ганхуяг, Хүнсний аж үйлдвэрийн зөвлөлийн зөвлөх Энхцэцэг, Монгол Улсын тод манлай уяач А.Батсүх нарын хүмүүс дагалдан яваа ажээ.

УИХ-ын гишүүн Л.Болд, Ж.Батзандан нар "МАНАН дэглэмийн эсрэг монгол түмний нэгдэл” хөдөлгөөний бодлого, зорилт, хэрэгжүүлэхээр төлөвлөж байгаа зарим үйл ажиллагааны талаар дэлгэрэнгүй танилцуулж, иргэдийн сонирхсон асуултад хариулж, санал бодлыг сонслоо.

 Иргэд УИХ-ын гишүүдэд хандан ахмадуудыг түрээсийн орон сууцанд оруулахыг дэмжих, төрийн тусгай албанд ажиллаж байгаад эрт тэтгэвэрт гарсан ахмадуудад одоогийн мөрдөгдөж байгаа төрийн тусгай албан хаагчийг тэтгэвэрт гарахад нь олгодог 36 сарын цалинтай дүйцэх хэмжээний мөнгөн тэтгэмжийг нөхөж  олгох, Зөрчлийн тухай хуулийг эргэж харах, банкны зээлийн хүү өндөр, зээлтэй иргэд хүнд байдалд орж байгаагаа ярьсан юм.