<style type="text/css"> .wpb_animate_when_almost_visible { opacity: 1; }</style>
НҮҮР ИНТЕРТАЙМЭНТ Печь буюу бичил долгионы зуухны ид шид
featured

Печь буюу бичил долгионы зуухны ид шид

Бичил долгионы зуух буюу бидний ярьж заншсанаар печь ямар ч гэм хоргүй эд биш аж. Түүнийг гэм хорынх нь түвшнээр Европ даяар явж буй хэдэн сая автомашинтай зүйрлэх нь бий.

Бичил долгионы зуух нь дэлхийн дулааралд үнэтэй хувь нэмэр оруулагч гэнэ. Учир нь энэ техник нэг жилийн хугацаанд 6.8 сая машинтай тэнцэхүйц хэмжээний нүүрсхүчлийн хий ялгаруулдаг юм байна. Үүнээс гадна эрчим хүчний зарцуулалт их учраас цахилгаан их хэрэглэдэг.

Европын холбоонд печьний ажиллагаанд дунджаар томоохон гурван хийн цахилгаан станцыг нэг жилийн хугацаанд боловсруулах хэмжээний цахилгаан хэрэглэдэг гэнэ шүү. Ямар их тоо вэ… Бас бусад төрлийн хог хаягдал дундаа тэргүүлэгч нь бичил долгионы зуух гэж байна. Хүмүүс хуучин нь эвдрээгүй байхад шинэ техник худалдан авах хандлага их байдаг. Тэдний хувьд ажиллагаа нь бус, статусын үзүүлэлт нь чухал аж. Тиймээс бичил долгионы зуухнаас өдгөө хэн ч татгалзаж чадахааргүй болсон тул аль болох байгаль орчинд хоргүй байдлаар хэрэглэх талаар хүмүүст зааж сургах шаардлагатай гэдгийг сануулах болжээ.

 Байгальд болон гадаад орчинд ийм сөрөг нөлөөтэй юм байж. Тэгвэл хүний биед хэрхэн нөлөөтэйг нь судалсан судалгааны дүнг хэд хоногийн өмнө  гаргасан байна. Сөүл хотын эрүүл мэнд, байгаль орчны судалгааны хүрээлэн өнгөрсөн жилийн наймдугаар сард бүтэн нэг сарын турш 24 цагаар ажилладаг дэлгүүрүүдэд бичил богино долгионы зуух хүний биед хэрхэн нөлөөлж, ариутгаж байгааг судалжээ.

Нийт 20-н төрлийн доширак /бэлэн хоол/-ыг печид халааж туршихад 13 нь 95-99,9%, 2 нь 90-95%, 2 нь 85-90%, 2 нь 80-85%, 1 нь 77%-иар ариутгагдсан судалгаа гарчээ. Энэ нь печь хүний эрүүл мэндэд сөрөг нөлөөгүй гэдгийг баталж, туршилтанд орсон бүтээгдэхүүнүүдээс ямар нэг нян бактери илрээгүй байна.

 Эрүүл мэнд, байгаль орчны судалгааны хүрээлэнгээс “Иргэд сонгосон бүтээгдэхүүнээ зааврын дагуу печид халааж идэх нь бүтээгдэхүүнийхээ амт чанарыг хадгалж үлдэх, ариун цэврийн шаардлага хангах давуу тал болно” гэж зөвлөжээ. Хүрээлэнгийн зүгээс иргэдийн хүнсний хэрэглээ аюулгүй байдлын чанарын шаардлага хангаж байгаа эсэхийг газар дээр нь судалгаа шинжилгээ хийхээр төлөвлөж байгаа юм байна.

Тэгэхээр богино долгионы зуух нь гадаад орчиндоо сөрөг, харин доторх бүтээгдэхүүнээ ариутгах эерэг нөлөөтэйг нотолсон байна.

Таг: