<style type="text/css"> .wpb_animate_when_almost_visible { opacity: 1; }</style>
НҮҮР СПОРТ Хахир өвлөөр морь уралдуулж, цэнгэл жаргал эдлэхээ больцгоо
featured

Хахир өвлөөр морь уралдуулж, цэнгэл жаргал эдлэхээ больцгоо

Хахир өвөл цаашлаагүй байхад морь уралдуулж,бяцхан хүүхдүүдийг осгоож өчнөөн юм болдог хэл ам энэ жил ашгүй давтагдахгүй нь. Хөдөлмөр Нийгмийн хамгааллын сайд тушаал гаргаж,тавдугаар сарын 1 хүртэлх хугацаанд өвлийн морин уралдааныг зохион байгуулахгүй, бага насны хүүхдийн эрх зөрчихгүй байх албан бичгийг Засгийн газраас аймаг, нийслэлийн Засаг дарга нарт дахин хүргүүлжээ.

Хэрэв тушаалыг зөрчих юм бол хууль хяналтын байгууллагуудад хандах зэргээр дараагийн арга хэмжээ авах юм байна.
Уг нь Хөдөлмөр Нийгмийн хамгааллын сайдын 2016 оны тушаалаар өвлийн морин уралдаан зохион байгуулахыг тавдугаар сарын 1 хүртэл хориглосон байдаг. Энэ хугацаанд болж буй морин уралдаанд унаач хүүхэд оролцуулахгүй байх шийдвэр гаргасан удаатай. Гэвч Н.Номтойбаяр Хөдөлмөр, нийгмийн хамгааллын сайдаар ажиллаж байхдаа энэ хугацааг нь өөрчилж өвлийн морин уралдаан зохион байгуулах хугацааг наашлуулж сар шинийн 1-нээс хойш уралдаан зохион байгуулахыг зөвшөөрсөн билээ.

Харин Хөдөлмөр, нийгмийн хамгааллын сайд С.Чинзориг 2017 онд Н.Номтойбаяр сайдын тушаалыг хүчингүй болгож тавдугаар сарын 1 хүртэл хурдан морины уралдаан зохион байгуулахыг хориглоод байгаа юм.

Тэгвэл энэ жил тавдугаар сарын 1 хүртэлх хугацаанд өвлийн морин уралдааныг зохион байгуулахгүй, бага насны хүүхдийн эрх зөрчихгүй нь тодорхой болжээ.