<style type="text/css"> .wpb_animate_when_almost_visible { opacity: 1; }</style>
НҮҮР НИЙСЛЭЛ Сар шинийн баярыг угтаж хүнсний аюулгүй байдалд хяналт шалгалт хийж эхлэв
featured

Сар шинийн баярыг угтаж хүнсний аюулгүй байдалд хяналт шалгалт хийж эхлэв

 

Мэргэжлийн хяналтын байгууллагаас сар шинийн баяр болохтой холбогдуулан 2019 оны 1 дүгээр сарын 9-нөөс эхлэн 2 сарын 8-ныг хүртэл болзошгүй эрсдэлээс урьдчилан сэргийлэх, бүтээгдэхүүний аюулгүй байдлыг ханган ажиллах зорилгоор хяналт шалгалтыг эхлүүллээ.

Хүнсний чанар, стандарт, мал эмнэлэг, ургамал хамгаалал, хорио цээр, эрүүл ахуй, халдвар хамгаалал, барилгын техник, эрчим хүчний хяналт /цахилгаан, шингэрүүлсэн шатдаг хийн/ -ын  улсын байцаагчид дараах объектуудад хяналт шалгалтыг явуулна.

  • Хэвийн боов, банш буузны үйлдвэрлэл, худалдаа
  • Сар шинийн баярын хүнсний өргөтгөсөн худалдаа, экспо, зах худалдааны төвүүд, ил задгай худалдаа эрхлэгчид
  • Золголтын арга хэмжээ зохион байгуулах ресторан, зоогийн газрууд,
  • Нийтийн эзэмшлийн гудамж талбай, зориулалтын бус ажлын байранд айраг, ууц өвчүү, сүү, сүүн бүтээгдэхүүн болон түүхий мах, махан бүтээгдэхүүн болон бусад хүнсний түүхий эд, бүтээгдэхүүн худалдаалж буй газрууд,
  • Олон нийтийн барилга байгууламжийн лифт ашиглалт,  цахилгаан, шингэрүүлсэн шатдаг хийн хангамжид  хяналт шалгалт хийнэ.

Иргэн та гомдол, санал, зөрчилтэй холбогдсон мэдээллийг Нийслэлийн Мэргэжлийн хяналтын газрын 24 цагийн туршид ажилладаг 70128012 дугаарын утсанд өгч болох бөгөөд харьяа дүүргийн мэргэжлийн хяналтын хэлтэст  хандахыг зөвлөж байна гэж нийслэлийн Мэргэжлийн хяналтын газраас мэдээллээ.