<style type="text/css"> .wpb_animate_when_almost_visible { opacity: 1; }</style>
НҮҮР УЛС ТӨР УИХ-ын гишүүн Х.Болорчулуун цахим орчинд түгсэн мэдээлэлтэй холбогдуулан Цагдаагийн ерөнхий газраас лавлагаа авчээ
featured

УИХ-ын гишүүн Х.Болорчулуун цахим орчинд түгсэн мэдээлэлтэй холбогдуулан Цагдаагийн ерөнхий газраас лавлагаа авчээ

УИХ-ын гишүүн хүчингийн хэрэгт холбогдсон тухай мэдээлэл гарсан. Энэхүү мэдээллийн дараа тухайн УИХ-ын гишүүн нь Х.Болорчулуун гэх мэдээлэл цахим орчинд түгсэн юм. Үүнтэй холбогдуулан УИХ-ын Байгаль орчин, хүнс, хөдөө аж ахуйн байнгын хорооны дарга Х.Болорчулуун Цагдаагийн ерөнхий газраас лавлагаа авчээ.

Тэрээр энэ тухайгаа цахим хуудсаараа дамжуулан мэдээллээ. Ингэхдээ "Өнгөрсөн сарын турш намайг хүнд хэрэгт холбогдсон тул гишүүнээс нь эгүүлэн татна, тойрогт нь нөхөн сонгууль явуулна гэж зохион байгуулалттай, гүтгэлгийн шинж чанартай мэдээ, мэдээлэл сошиал орчинд тарааж байлаа. Тийм явдалд орооцолдуулах, тохохыг хүсэгч этгээдүүд байдаг бололтой. Миний бие УИХ-ын гишүүнээр нутгийн олон түмний итгэлийг хүлээн сонгогдсон хугацаандаа харилцан ашигтай, хариуцлагатай уул уурхайг хөгжүүлэх, байгаль орчноо хамгаалах, баялагийн шударга бус хуваарилалтын эсрэг үгээ хэлж, үйл ажлаа гол зорилго чиглэл болгон ажиллаж ирсэн. Энэ нь зарим этгээдүүдийн эрх ашигтай зөрчилдөн, дургүйцэл хорслыг төрүүлж байдаг болов уу. Ямар ч гүтгэлэг доромжлол, шантааж нь хүний тогтсон үзэл бодлыг өөрчлөх боломжгүй юм. Гүтгэлэг тараасан болон нотолгоогүй хуурамч мэдээллийг олон нийтийн сүлжээнд санаатайгаар дэвэргэн тараасан этгээдүүдийг тогтоолгон, хуулийн хариуцлага хүлээлгэх болно" гэсэн байна.

Х.Болорчулуун гишүүн гэмт хэрэгт холбогдсон эсэхээ ЦЕГ-аас тодруулжээ