<style type="text/css"> .wpb_animate_when_almost_visible { opacity: 1; }</style>
НҮҮР ХУУЛЬ Туул гол руу үнс зайлуулахад ашигладаг бохир ус цутгаж байсныг илрүүлэн шалгажээ
featured

Туул гол руу үнс зайлуулахад ашигладаг бохир ус цутгаж байсныг илрүүлэн шалгажээ

 Нийслэл хотыг ундаалж байдаг Туул гол бидний хамгийн хайрлах ёстой ариун ус билээ. Гэтэл Туул гол руу бохир ус цутгаж байна гэх мэдээлэл хууль хяналтын байгууллагуудад иржээ. Уг мэдээллийн мөрөөр  Туул голын сав газрын захиргаа, Нийслэлийн Байгаль орчны газар, Нийслэлийн мэргэжлийн хяналтын газрын албан хаагчид  2021 оны 02 дугаар сарын 16-ны шөнө болон 17-ны өдрүүдэд газар дээр нь ажиллаж, хяналт шалгалт хийсэн байна.

 

“Дулааны гуравдугаар цахилгаан станц” ТӨХК нь цахилгаан, дулаан үйлдвэрлэх үйл ажиллагаанаас гарсан үнсийг усаар зайлуулж, 2 шатны тунгаагуураар дамжуулан гарсан хаягдал усыг үнс зайлуулах технологид эргүүлэн ашигладаг. Станцын ачааллаас үүдэн хаягдал ус тунгаах санд аваарын нөхцөл байдал үүсч, далан сэтрэх эрсдэл үүссэний улмаас тунгаах санд хуримтлагдсан хаягдал усыг аваарын шугамаар Туул голд нийлүүлж байсныг тогтоож, зогсоох арга хэмжээг аваад байна.

Туул голд нийлүүлсэн хаягдал ус, хөрснөөс дээж авч Байгаль орчин, хэмжил зүйн төв лаборатори, Хан Лаб ХХК-ийн лабораториудад тус тус шинжилгээ өгсөн бөгөөд шинжилгээний дүн гарсны дараа Усны тухай хууль, Усбохирдуулсны төлбөрийн тухай хуулийн дагуу арга хэмжээг авч ажиллана.

Таг: